Síðustu dagarnir fyrir jólafrí hafa verið alveg dásamlegir. Fyrst voru það litlu jólin, þar sem við sprelluðum og skemmtum okkur saman og svo var það hátíðlega stundin okkar í kirkjunni á Kirkjujólum. Það eru alveg dásamleg forréttindi að fá að ljúka árinu saman í kirkjunni; rifja upp söguna af því þegar Jesús kom í heiminn og syngja saman Heims um ból, með kerti í hönd.

Nú eru allir komnir í jólafrí og nemendur mæta aftur samkvæmt stundaskrá þriðjudaginn 3. janúar.

Við óskum ykkur öllum gleðilegra jóla og þökkum samfylgdina á árinu sem er að líða.